Сонгуулийн нэрийн жагсаалтад бүртгэлтэй 16730 иргэдийн 20 гаруй хувь нь “хий үзэгдэл” байна

2008 оны 6-р сарын 4-нөөс 6-р сарын 10-ны өдрийн мониторингийн явцын мэдээ

Энэ хугацаанд Баянзүрх дүүргийн найман хороо, Налайх дүүргийн зургаан хороонд ажиллаж хаягийн давхцалтай 18602 бүртгэлт тулгалт хийхээс 16730 бүртгэлийг шалгалаа. Шалгасан бүх хүмүүсийн 6570 нь уг хаяг дээрээ байна. Хаяг дээрээ байгаа 6570 хүнээс сонгуулийн үеэр эзгүй байх 442 хүн байгаа бөгөөд эдгээрийн 90 нь гадаад явсан, 352 нь энэ хаягнаас сонгуульд оролцохгүй болон ер нь сонгуульд оролцохгүй, сонгуулийн үеэр хөдөө явна гэж байв. Шалгасан хаяг болон хаяг дээрээ байгаа хүний тоог дараах хүснэгтээс дэлгэрүүлж харна уу.

Бүртгэлтэй хаяг дээрээ байхгүй нийт 6380 иргэдээс зургаа нь нас барсан, 1614 нь шилжсэн, 91 нь түр оршин суугч байгаад нүүсэн, 3965 нь энэ хаяг дээр огт байдаггүй болон ер нь байдаггүй байх магадлалтай байна. Эдгээр хаягийн задаргааг доорхи хүснэгтээс харна уу. 

Хаягийн тулгалт хийж явахад нийтлэг гарч байгаа хүндрэлүүд:

-          Гудамж, хашааны хаягийн зохион байгуулалт ойлгомжгүй,

-          Шинэчлэгдсэн хаягийн өөрчлөлтийг хийгээгүй хуучнаараа байх

-          Шинээр суурьшсан болон задгайд оршин суугчдыг бүртгэлжүүлэхдээ гудамж болон хаалганы дугаарыг дэс дараалалгүй байдлаар өгсөн

-          Огт байдаггүй хүмүүсийн бүртгэл ихээр орсон нь оршин суугчдыг дургүйцэхэд хүргэх

-          Ардчилсан нам, хороодын ажилтнуудын хаягийн тулгалтын ажил зарим хороодод давхцсан тул иргэд мэдээлэл өгөхөөс татгалзах байдал түгээмэл байлаа.

 Мониторингийн явцад илэрсэн зөрчлүүд

 Жишээ 1.

Нэгээс дээш хаягийн давхцалтай иргэдийн нэрсийн жагсаалтад зарим иргэн хоёроос зургаан хаяг дээр давхар бүртгэгдсэн байгаагаар орсон бол зарим иргэдийн хувьд нэг хаягаараа хоёр засаг захиргаанд давхар бүртгэгдсэн тохиолдол гарлаа.

Налайх дүүргийн 3 дугаар хорооны Баянгийн зөрлөгийн 6-1 тоотод оршин суугч дөрвөн иргэний хаягаар очиж шалгахад тухайн хаяг дээр өөр айл амьдарч байсан бөгөөд тэр хаягаар 2008 онд албан ёсоор бүртгүүлэн амьдарч байгаа тухайгаа мэдээлсэн юм. Нэрийн жагсаалтад тухайн хаяг дээр бүртгэлтэй байсан нэр бүхий иргэдийг олж уулзахад мөн л энэ хаяг дээр бүртгэлтэй бөгөөд давхар энэ байршлаараа Төв аймгийн Сэргэлэн сумын 1-р багт бүртгэлтэй төдийгүй сонгуулиар Төв аймагт санал өгч оролцоно гэж байв.

Жишээ 2.

Налайх дүүргийн 3 дугаар хорооны Баянгийн зөрлөгийн 5-6 тоотод оршин суугч хэмээн өгөгдсөн Л.Бүдбат хэмээх хүн тухайн хаяг дээр огт оршин суудаггүй бөгөөд баянгийн оршин суугчид огт танихгүй гэсэн мэдээлэл өгсөн болно.

Жишээ 3.

Э.Ууганбаатарын хаягийн тодруулга хийхээр Налайх дүүргийн 4-р хорооны нисэхийн 6-23 тоотод очиход 1996 онд төрсөн 6-р ангийн хүүхдийг бүртгэсэн болох нь илэрлээ.

Жишээ 4.

Баян-Зүрх дүүргийн 14-р хорооны Консул хэмээх газрын зарим хэсэг нь газарт орсноос давхар хаяг бүхий 119 иргэнтэй холбоо барьж чадаагүй бөгөөд эдгээр иргэд нь тухайн хорооны бүртгэлээс хасагдаагүй, өөр газар түр болон байнга оршин суугчаар бүртгүүлсэн нь зөрчил бүхий нэрийн жагсаалтад бүртгэгдэх шалтгаан болжээ.

Жишээ 5.

Хаягийн шинэчлэл хийгдсэн хэдий ч нэрийн жагсаалтад хуучин хаягаар орсон тохиолдол цөөнгүй байлаа. Баян-Зүрх дүүргийн 13-р хорооны 9-344 тоотод оршин суугчдыг 8-344 тоотод оршин суудаг гэж сольж бүртгэсэн байв.

Жишээ 6.

Олох боломжгүй тодорхойгүй хаяг жагсаалтад олон байсан бөгөөд тухайлбал Баянзүрх дүүргийн 13-р хороонд доорхи бүртгэгдсэн хаяг байлаа.{joscommentenable}